ASTANA. KAZINFORM – Tájikstan astanasy Dýshanbe qalasynda 16 jasqa deıingi oıynshylar arasynda Ortalyq Azııa voleıbol qaýymdastyǵynyń (CAVA - Central Asian Volleyball Association) chempıonaty aıaqtaldy.
Qazaqstan voleıbol federatsııasynan málim etkenindeı, 2010-2011 jylǵy qazaqstandyq jasóspirimder bes kezdesýdiń bárinde jeńiske jetti.
Qazaqstan qyzdar quramasy fınalda Ózbekstandy 3:0 (25:17, 25:18, 25:14) esebimen aıqyn basymdylyqpen tize búktirdi.
Týrnırdiń úzdik oıynshylary qatarynda qurama kapıtany Asyly Ábitaı, Margarıta Vagner jáne Ýlıana Kokınanyń (№24) esimderi ataldy.
Denıs Isaevtyń shákirtteri qarasha aıynyń basynda Iordanııada ótetin Azııa chempıonatynda baq synaıdy.
Budan eki jyl buryn Rınat Erǵazın baptaǵan 2008-2009 jylǵy qyzdar da Ortalyq Azııada úzdik atanǵan edi.
Eske sala keteıik, budan buryn voleıboldan Ulttar kýbogynda Qazaqstannyń mańyzdy kezdesýde Irandy qapy qaldyrǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).