ASTANA. KAZINFORM – Taılandtyń Nakhonpathom jáne Ratchabýrı qalalarynda 16 jasqa deıingiler arasynda voleıboldan Azııa chempıonaty ótip jatyr.
Qazaqstan voleıbol federatsııasynan málim etkenindeı, qurlyqtyq doda osymen ekinshi ret uıymdastyrylyp otyr.
Budan eki jyl buryn Ózbekstanda Dýlat Oljabaevtyń shákirtteri altynshy oryndy qanaǵat tutqan edi.
Bul joly quramany Alekseı Terenın baptap apardy.
Qazaqstan jasóspirimderi osyndaı jastaǵylar arasynda Azııa chempıony – Iran, sondaı-aq Indonezııa jáne Gonkong komandalarymen bir topqa tústi.
Qazaqstandyqtar alǵashqy kezdesýinde Gonkongty 3:0 (25:16, 25:17, 25:22) tize búktirdi.
Iran Indonezııany 3:1 (21:25, 25:21, 25:19, 26:24) esebimen jeńdi. Budan matchtyń edáýir tartysty ótkenin baıqaýǵa bolady.
Búgin Qazaqstan quramasy Indonezııamen oınaıdy. Úzdik segizdikke iligý úshin ony qalaıda utý kerek.
Azııa básekesi 19 shildede máresine jetedi.
Eske sala keteıik, budan buryn voleıboldan qazaqstandyq jasóspirim qyzdar Ortalyq Azııada úzdik shyqqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).