MANILA. KAZINFORM - Fılıppın astanasy Manıla qalasynda voleıboldan áıelder komandalary arasynda ótip jatqan «AVC shaqyrý kýbogi» týrnırinde Qazaqstan quramasy fınalǵa joldama aldy.
Qazaqstandyq qyzdar jartylaı fınalda alań ıeleri – Fılıppın komandasymen synǵa tústi.
Qazaqstan quramasy qarsylasyn 3:0 (25:23, 25:21, 25:14) esebimen utty.
Ekinshi jartylaı fınalda Vetnam komandasy Aýstralııany 3:0 (25:21, 25:19, 25:16) joldan taıdyrdy.
Osylaısha, Qazaqstan men Vetnam sońǵy básekede «Segizdik fınalyna» beriletin jalǵyz joldamany sarapqa salady. Toptyq básekede qazaqstandyqtar Vetnam qyzdaryna 1:3 esebimen ese jibergen edi. Endi Rıshat Gılıazýtdınov shákirtteriniń qarymta qaıtaratyndaı múmkindigi bar.
Eske sala keteıik, budan buryn voleıboldan Qazaqstan quramasy Fılıppındegi týrnırdiń jartylaı fınalyna shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).