Voleıboldan Qazaqstan kýbogy: «Jetisý» men «Qýanysh» fınalǵa shyqty

<p>PETROPAVL. KAZINFORM &ndash; Petropavl qalasynda voleıboldan áıelder arasynda Qazaqstan kýbogy oıyndarynda fınalǵa shyqqan komandalar belgili boldy.</p>

Birinshi jartylaı fınalda «Jetisý» (Taldyqorǵan) men «Berel» (Óskemen) klýbtary alańǵa shyqty.

Aldymen Rıshat Gılıazýtdınov jattyqtyratyn óskemendik qyzdar qatarynan eki partııany aldy – 25:22, 25:21. Budan keıin jeńis jaqyn turǵandaı kóringen. Biraq olaı bolmady. Serbııalyq maman Marko Grshıchtiń shákirtteri oıyn tizginin ýystarynan shyǵarmaı, kambek jasaı bildi – 25:18, 25:21, 15:11. Jalpy esep – 3:2.

Alań ıeleri «Qýanysh» (bas bapkeri Azamat Esimov) komandasy Asqar Shalqybekov jattyqtyratyn Qazaqstan chempıony «Turan» (Túrkistan) klýbyn ońaı utty – 3:0 (25:17, 25:15, 25:14).

Osylaısha, dúısenbi kúni «Jetisý» men «Qýanysh» fınalda altyn júldeni sarapqa salady. Al «Berel» men «Turan» qola medal úshin talasady.

Eske sala keteıik, budan buryn voleıboldan Qazaqstan kýbogynda áıelder arasynda jartylaı fınalǵa shyqqandar anyqtalǵanyn jazǵan bolatynbyz.