Voleıboldan Qazaqstan chempıonatynda «Jetisý» óskemendik «Berelden» qarymta qaıyrdy

<p>ÓSKEMEN. KAZINFORM &ndash; Óskemen qalasynda voleıboldan áıelderdiń ulttyq lıga komandalary arasynda ótip jatqan Qazaqstan chempıonatynyń ekinshi týrynda ortalyq kezdesý &laquo;Jetisý&raquo; (Taldyqorǵan) men &laquo;Berel&raquo; arasynda boldy.</p>

Serbııalyq maman Marko Grshıch jattyqtyratyn taldyqorǵandyqtar birinshi týrda óskemendikterge (bas bapkeri Rıshat Gılıazýtdınov) 2:3 esebimen ese jibergen edi.

Bul joly týrnır kestesinde quıryq tistesip kele jatqan qos komanda qaı myqtyny anyqtady.

Alǵashqy eki kezeńde taldyqorǵandyqtar 25:12, 25:19 esebimen basymdyq tanytty. Budan keıin alań ıeleri bir partııany óz esepterine jazdy – 25:21. Biraq odan árige shamasy jetpedi – 21:25. Jalpy esep – 3:1.

Osylaısha, «Jetisý» 32 upaımen qaıta kósh basyna shyqty. Óskemendikter (31 upaı) ekinshi orynda.

Azamat Esimov baptaıtyn «Qýanysh» (SQO) 29 upaımen úzdik úshtikte tur. Soltústikqazaqstandyqtar Pavlodardyń «Ertisin» 3:1 (25:14, 18:25, 25:12, 25:19) qapy qaldyrdy.

Bıyl chempıonatty sátti bastaǵan «Qaraǵandy» dúısenbi kúni «Almatydan» 3:0 (25:14, 25:17, 25:21) esebimen aılasyn asyryp, 27 upaımen burynǵysha tórtinshi satyda keledi.

Osylaısha, birinshilikte júldeli oryndarǵa talasatyn komandalar aıqyndala bastaǵandaı.

El chempıony «Turannyń» (Túrkistan) qarqyny báseń. Degenmen ony da esepten shyǵarýǵa bolmas. Túrkistandyqtar «Gratsııa KZ» komandasyn 3:1 (23:25, 25:18, 25:18, 25:14) esebimen jeńdi.

Aqtóbelikter «Arý-Astanany» 3:1 (16:25, 25:9, 25:22, 25:19) esebimen utyp, 12 upaımen «Turannan» keıin altynshy orynǵa kóterildi.

Seısenbi kúni ortalyq match «Qýanysh» pen «Berel» arasynda ótedi.

Eske sala keteıik, budan buryn «Qýanyshtyń» voleıboldan el chempıonatynda «Jetisý» klýbyn jeńgenin jazǵan bolatynbyz.