Voleıboldan Qazaqstan chempıonatynda «Jetisý» kósh bastap keledi

<p>ATYRAÝ. KAZINFORM &mdash; Atyraý qalasynda voleıboldan erlerdiń ulttyq lıga komandalary arasynda ótip jatqan HHHІІІ Qazaqstan chempıonatynyń birinshi týrynda &laquo;Jetisý&raquo; klýby kósh bastap keledi.</p>

Dúısenbi kúni taldyqorǵandyqtar «Esil» (SQO) klýbynyń mysyn basty. Marat Adryshevtiń shákirtteri 3:0 (25:16, 25:15, 25:16) esebimen jeńiske jetip, týrnır kestesinde 11 upaımen kósh bastady.

«Jetisý» birinshi týrda jeńilmegen jalǵyz komanda atanyp otyr. 

El chempıony «Taraz» «Býrevestnık» (Almaty) komandasyn 3:1 (25:20, 25:18, 14:25, 25:19) esebimen utyp, 10 upaımen ekinshi orynǵa shyqty. «Pavlodar» komandasy «Atyraýdan» 3:0 (25:20, 25:22, 25:23) esebimen aılasyn asyryp, 9 upaımen úshinshi satyǵa jaıǵasty. Al alań ıeleri qatarynan tórt ret jeńilip qaldy.

Seısenbi kúni «Aqtóbe» - «Býrevestnık», «Jaıyq» - «Taraz», «Jetisý» - «Taraz», «Ushqyn-Kókshetaý» - «Atyraý» komandalary ózara sheberlik baıqasady.

Eske sala keteıik, budan buryn voleıboldan el chempıonatynda «Jaıyqtyń» ekinshi jeńisine qol jetkizgenin jazǵan bolatynbyz.