Voleıboldan Qazaqstan chempıonatynda «Pavlodar» «Aqtóbeden» aılasyn asyrdy

<p>AQTÓBE. KAZINFORM &ndash; Voleıboldan erlerdiń Ulttyq lıga komandalary arasynda Aqtóbe qalasynda HHHІІ Qazaqstan chempıonatynyń tórtinshi týry ótip jatyr.</p>

Seısenbi kúni aldymen týrnır kestesinde úshinshi satyda kele jatqan «Jaıyq» (Oral) pen kósh sońyndaǵy «Ushqyn-Kókshetaý» alańǵa shyqty.

Bul oıynda oraldyqtar 3:0 (25:20, 25:23, 25:22) esebimen utyp, upaı sanyn 44-ke jetkizdi.

Ekinshi oryndaǵy «Taraz» tórtinshi satydaǵy «Esildi» (SQO) 3:0 (27:25, 25:20, 25:23) esebimen tize búktirdi.

«Jetisý jastarynan» 3:1 (25:18, 25:21, 25:27, 25:19) esebimen aılasyn asyrǵan Almatynyń «Býrevestnıgi» 27 upaı jınap, «Esilge» (32 upaı) bir taban jaqyndaı tústi.

Bul kúni el chempıony «Pavlodar» men «Aqtóbe» arasyndaǵy kezdesý qyzý ótti. Osynyń aldynda «Jaıyqty» jeńgen aqtóbelikter jankúıerlerdiń qoldaýymen pavlodarlyqtarǵa qarsy turýǵa tyrysty. Degenmen «Pavlodar» klýby sheberlikteriniń basym ekendigin dáleldedi – 3:1. (25:19, 25:18, 22:25, 25:21).

Kósh basyndaǵy «Pavlodardyń» esebinde 55, «Tarazdyń» qorjynynda 51 upaı bar.

Eske sala keteıik, budan buryn «Tarazdyń» el chempıony «Pavlodardy» tize búktirgenin jazǵan bolatynbyz.