ORAL. KAZINFORM — Oral qalasyndaǵy «Jaıyq arena» sport kesheninde voleıboldan Qazaqstan chempıonatynyń jartylaı fınalynda «Jaıyq» klýby «Atyraýmen» oınady.
Ótken jyly shırek fınalda oraldyqtar atyraýlyqtarǵa jol berip, júldeden tys qalǵan edi.
Bul joly Islam Jumabekov jattyqtyratyn «Atyraý» matchty qarqyndy bastady 25:17. Olar ekinshi partııada da alda turdy. Degenmen Vıktor Kozıktiń shákirtteri tarazy basyn aýdara bildi — 25:23.
Budan keıin alań ıeleri onsha qınalǵan joq — 25:16, 25:17. Qorytyndy esep — 3:1, «Jaıyqtyń» paıdasynda.
Erteń qos klýb ekinshi kezdesýin ótkizedi. Oraldyqtar jeńse, fınalǵa joldama alady.
Eske sala keteıik, budan buryn voleıboldan el chempıonatynda «Aqtóbe» komandasynyń jartylaı fınalda «Jetisýdy» jeńgenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).