Voleıboldan Qazaqstan chempıonaty: «Jaıyq» qarsylasyn jeńdi

<p>ATYRAÝ. KAZINFORM &mdash; Atyraý qalasynda voleıboldan erlerdiń ulttyq lıga komandalary arasynda ótip jatqan HHHІІІ Qazaqstan chempıonatynyń birinshi týrynda &laquo;Jaıyq&raquo; klýby alǵashqy jeńisine qol jetkizdi.</p>

Qazaqstandyq maman Vıktor Kozıktiń shákirtteri senbi kúni el chempıonatynyń kúmis júldegeri «Pavlodarmen» sheberlik baıqasty.

Oraldyqtar matchty qarqyndy bastap, birinshi partııada 9:4 esebimen alǵa shyqty. Sol basymdylyǵynan set bitkenshe jańylǵan joq – 25:13.

Ekinshisinde Sergeı Grıbov jattyqtyratyn pavlodarlyqtar ese qaıyrdy – 25:23. Degenmen budan keıin «Jaıyq» oıyn tizginin qaıtadan qolǵa ala bildi – 25:21, 25:13. Jalpy esep – 3:1, «Jaıyqtyń» paıdasynda.

Ázirge tórt upaıy bar batysqazaqstandyqtar týrnır kestesinde jetinshi, pavlodarlyqtar (6 upaı) úshinshi satyda tur.

Eske sala keteıik, budan buryn voleıboldan Qazaqstan chempıonatynda «Jetisý» qatarynan úshinshi ret jeńiske jetkenin jazǵan bolatynbyz.

«Atyraý» voleıbol klýby óz alańynda taǵy da ese jiberdi.