ORAL. KAZINFORM — Oralda vleıboldan ótip jatqan erlerdiń Ulttyq lıga komandalary arasynda HHІІ Qazaqstan chempıonaty úshinshi týrynyń kezekti oıyndary máresine jetti.
Bul joly tartysty kezdesý jergilikti «Jaıyq» pen soltústikqazaqstandyq «Esildiń» arasynda boldy.
Bes setke sozylǵan básekede Vıktor Kozık jattyqtyratyn oraldyqtar 3:2 (23:25, 32:30, 18:25, 25:16, 15:11) esebimen jeńiske jetti.
«Esil» 28 upaımen týrnır kestesinde tórtinshi orynda kele jatsa, «Jaıyq» (32 upaı) úzdik úshtikti túıindep tur.
El chempıony «Pavlodar» 44 upaımen kósh bastasa, «Aqtóbeni» 3:0 (25:15, 25:15, 25:15) esebimen tize búktirgen «Taraz» (33 upaı) ekinshi satyǵa kóterildi.
Oraldaǵy úshinshi týr 19 qańtarda aıaqtalady.
Eske sala keteıik, budan buryn «Pavlodardyń» «Jaıyqty» ekinshi ret utqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).