Voleıboldan Qazaqstan chempıonaty: «Jaıyq» ekinshi ret qatarynan jeńilip qaldy

<p>ATYRAÝ. KAZINFORM &ndash; Atyraý qalasynda voleıboldan erlerdiń ulttyq lıga komandalary arasynda HHHІІІ Qazaqstan chempıonaty birinshi týrynyń ekinshi kúnin &laquo;Aqtóbe&raquo; jáne &laquo;Jaıyq&raquo; (Oral) klýbtary bastady.</p>

Alǵashqy oıynda aqtóbelikter el birinshiliginiń kúmis júldegeri «Pavlodardy» utsa, oraldyqtar «Jetisý» (Taldyqorǵan) komandasynan jeńilip qalǵan edi.

Batys derbıi tartysty órbip, eki saǵattan astam ýaqytqa sozylǵan matchta aqtóbelikter 3:2 (25:18, 23:25, 25:22, 19:25, 15:13) esebimen basym tústi. 

Osylaısha, aqtóbelikter eki oıyn qatarynan jeńiske jetse, oraldyqtar úshin chempıonat sátsiz bastaldy. 

Bul – birinshi týrda bes setke sozylǵan ekinshi kezdesý. Keshe «Býrevestnık» (Almaty) «Esildi» (SQO) 3:2 (17:25, 25:22, 23:25, 25:19, 15:11) esebimen qapy qaldyrǵan edi. 

Birinshi týr odan ári jalǵasýda. 

Eske sala keteıik, budan buryn voleıboldan Qazaqstan chempıonatynda «Aqtóbeniń» «Pavlodardy» utqanyn jazǵan bolatynbyz.