Voleıboldan Qazaqstan chempıonaty: «Jaıyq» almatylyq «Býrevestnıkti» jeńdi

<p>ORAL. KAZINFORM &ndash; Oralda voleıboldan erlerdiń Ulttyq lıga komandalary arasynda HHHІІ Qazaqstan chempıonaty úshinshi týrynyń oıyndary márege jaqyndap keledi.</p>

Týrnır kestesinde 46 upaımen burynǵysha, el chempıony – «Pavlodar» komandasy kósh bastap tur.

Igor Nıkolchenkonyń shákirtteri tartysty oıynda «Esil» (SQO) komandasyn 3:2 (20:25, 25:23, 18:25, 25:16, 17:15) esebimen tize búktirdi. Soltústikqazaqstandyqtar 29 upaımen úzdik tórttikti túıindep otyr.

Ekinshi oryndaǵy «Taraz» «Ushqyn-Kókshetaýdan» 3:1 (25:20, 21:25, 25:22, 25:16) esebimen basym tústi.

Tarazdyqtardyń qorjynynda 36 upaı bar. Odan bir upaıy kem «Jaıyq» «Býrevestnıkti» (Almaty) 3:0 (25:23, 25:19, 25:16) esebimen qapy qaldyrdy.

«Atyraý» «Jetisý jastaryn» 3:0 (25:21, 25:22, 25:18) esebimen jeńdi.

19 qańtar kúni úshinshi týrdyń sońǵy oıyndary ótedi. Onda «Aqtóbe» - «Ushqyn-Kókshetaý», «Býrevestnık» - «Pavlodar», «Taraz» - «Atyraý», «Jetisý jastary» - «Jaıyq» komandalary ózara kezdesedi.

Eske sala keteıik, budan buryn voleıboldan Qazaqstan chempıonatynda «Jaıyqtyń» «Esilden» basym túskenin jazǵan bolatynbyz.