Voleıboldan Qazaqstan chempıonaty: «Turan» men «Berel» altynǵa talasady

<p>TÚRKІSTAN. KAZINFORM &mdash; Túrkistanda áıelderdiń Ulttyq lıga komandalary arasynda HHHІІ Qazaqstan chempıonatynda fınalǵa joldama alǵan ekinshi klýb belgili boldy. Bul joly &laquo;Qýanysh&raquo; (SQO) pen &laquo;Turan&raquo; (Túrkistan) komandalary úshinshi kezdesýinde ózara myqtyny anyqtady.&nbsp;</p>

Ótken jyly fınalda Óskemenniń «Altaıyna» ese jiberip, kúmis júldeger atanǵan «Qýanyshtyń» sapynda Polına Ýfımtseva, Margarıta Belchenko, lıbero Sábıra Bekisheva sekildi qazaqstandyqtarmen qatar slovenııalyq baılanystyrýshy Eva Pavlovıch Morı, reseılik, halyqaralyq dárejedegi sport sheberi Anastasııa Babykına, ýkraınalyq ıÝlııa Dymar nátıjeli oıyndarymen kózge túsip júr. Azamat Esimovtiń shákirtteri pleı-off kezeńine deıin chempıonat barysynda birinshi orynnan túspegen bolatyn.

Júldeli oryndardan dámeli «Turannyń» quramy Oral voleıbolynyń túlegi, halyqaralyq dárejedegi sport sheberi, «Altaıdyń» sapynda áldeneshe ret el chempıony atanǵan ári ulttyq quramanyń kapıtany bolǵan Sana Anarqulova, serbııalyq baılanystyrýshy Anjela Veselınovıch sekildi belgili oıynshylarmen tolyqtyrylǵany belgili. Sondaı-aq Maıra Koldına, Janna Syroeshkına, lıbero Sandýǵash Asanova, reseılik Elena Samoılenkonyń qataryna bıyl qytaılyq Sýn Sıaosıýan qosyldy.

Birinshi partııa soltústikqazaqstandyq qyzdardyń aıqyn basymdylyǵymen aıaqtaldy – 25:19. Esesine ekinshi sette esep «Qýanyshtyń» paıdasyna 24:21 bolǵan mezette Asqar Shalqybekovtiń shákirtteri tarazy basyn teńestirip ketti. Aqyry olar 34:32 esebimen basym tústi. Úshinshi partııada túrkistandyqtar onsha qınala qoıǵan joq – 25:17.

Tórtinshi sette «Turan» esh múmkindik bergen joq – 25:16. Osylaısha, «Berel» (ShQO) men «Turan» altynǵa talasatyn bolsa, «Qýanysh» pen «Jetisý» (Taldyqorǵan) qola júlde úshin synǵa túsedi.

Eske sala keteıik, budan buryn voleıboldan Qazaqstan chempıonatynda Óskemenniń «Berel» komandasynyń fınalǵa joldama alǵanyn jazǵan bolatynbyz.