Voleıboldan Qazaqstan chempıonaty: «Pavlodar» «Jaıyqty» ekinshi ret utty

<p>ORAL. KAZINFORM &ndash; Oral qalasynda ótip jatqan voleıboldan erlerdiń Ulttyq lıga komandalary arasynda HHHІІ Qazaqstan chempıonatynyń úshinshi týrynda jergilikti &laquo;Jaıyq&raquo; &laquo;Pavlodarmen&raquo; kezdesti.</p>

Osyǵan deıin oraldyqtar (bas bapkeri Vıktor Kozık) Igor Nıkolchenko jattyqtyratyn el chempıony «Pavlodarǵa» 1:3 esebimen jol bergen edi.

Bul oıyn ekinshi týrdan keıinge qaldyrylyp, Oralda ótken bolatyn.

Búgin ekinshi match ta tartysty ótip, pavlodarlyqtar 3:1 (22:25, 26:24, 25:20, 29:27) esebimen jeńiske jetti.

Osylaısha, upaı sanyn 44-ke jetkizgen «Pavlodar» klýby týrnır kestesinde ekinshi oryndaǵy «Jaıyq» pen «Tarazdan» (bul eki komandada 30 upaıdan bar) edáýir uzap ketti.

«Atyraýdy» 3:1 (25:23, 26:28, 25:16, 25:23) esebimen tize búktirgen «Esildiń» (SQO) enshisinde 27 upaı bar.

«Ushqyn-Kókshetaýdy» 3:0 (26:24, 25:21, 25:23) esebimen utqan «Býrevestnık» (Almaty) 24 upaımen besinshi orynda keledi.

«Jetisý jastaryn» 3:1 (23:25, 25:21, 26:24, 25:18) esebimen súrindirgen «Aqtóbe» altynshy satyda tur.

Eske sala keteıik, budan buryn voleıboldan Qazaqstan chempıonatynda «Esildiń» kósh sońyndaǵy komandaǵa ese jibergenin jazǵan bolatynbyz.