Voleıboldan Qazaqstan chempıonaty: «Pavlodar» altyn úshin talasta «Tarazdy» tize búktirdi

<p>PAVLODAR. KAZINFORM &mdash; Pavlodar qalasynda voleıboldan erlerdiń Ulttyq lıga komandalary arasynda sheshýshi básekeler ótip jatyr.</p>

Byltyrǵy el chempıony «Pavlodar» men «Taraz» komandalary alǵashqy fınaldyq kezdesýin ótkizdi.

Bul oıynda tarazdyqtar sońǵy sátte ǵana taıtalasa aldy. Esep — 3:0 (25:16, 25:18, 27:25), alań ıeleriniń paıdasynda.

Endi Igor Nıkolchenko shákirtteri bir ret jeńse, chempıon atanady.

Qola júlde úshin básekede «Esil» (SQO) «Atyraýdan» aılasyn asyrdy — 3:0 (25:23, 25:17, 25:23).

Besinshi oryn úshin aıqasta «Jaıyq» (Oral) «Jetisý jastaryn» qapy qaldyrdy — 3:0 (25:22, 25:12, 25:18).

Jetinshi saty úshin alańǵa shyqqan aqtóbelikter «Býrevestnıkti» (Almaty) jeńdi — 3:1 (22:25, 25:20, 25:19, 25:19).

Erteń, senbi kúni komandalar ekinshi kezdesýin ótkizedi.

Eske sala keteıik, budan buryn «Taraz» komandasynyń fınalǵa shyqqanyn jazǵan bolatynbyz.