Voleıboldan Qazaqstan chempıonaty: ortalyq matchta «Berel» «Jetisý» klýbyn utty

<p>ÓSKEMEN. KAZINFORM &ndash; Óskemen qalasynda voleıboldan ulttyq lıganyń áıelder komandalary arasynda XXXIII Qazaqstan chempıonatynyń birinshi týry jalǵasýda.</p>

Senbi kúni ortalyq matchta Rıshat Gılıazýtdınov jattyqtyratyn Óskemenniń «Bereli» men «Jetisý» klýby (bas bapkeri Marko Grshıch) betpe-bet keldi.

Birinshi týrdyń alǵashqy kúni taldyqorǵandyqtar el chempıony «Turan» (Túrkistan) komandasyn jeńip, sýperkýbokqa ıe bolsa, óskemendikter de utylmaı kele jatqan edi.

Bul joly tartysty ótken oıyn bes partııaǵa sozylyp, onda alań ıeleri 3:2 (25:19, 21:25, 21:25, 25:23, 15:11) esebimen jeńiske jetti.

«Berel» úsh kezdesýden keıin 8 upaımen týrnır kestesinde ekinshi orynda tursa, taldyqorǵandyqtar (7 upaı) ázirge úzdik úshtikti túıindep tur.

«Astana», «Aqtóbe» jáne «Almaty» komandalaryn 3:0 esebimen tize búktirgen «Qaraǵandy» 9 upaımen kósh bastap keledi. Biraq Nurlan Sadyqov jattyqtyratyn qaraǵandylyqtar «Jetisý», «Berel», «Turanmen» ázir kezdese qoıǵan joq.

Eske sala keteıik, budan buryn voleıboldan «Jetisý» klýbynyń sýperkýbokty jeńip alǵanyn jazǵan bolatynbyz.