Voleıboldan Qazaqstan chempıonaty: Oralda úshinshi týr oıyndary aıaqtaldy

<p>ORAL. KAZINFORM &ndash; Oral qalasynda voleıboldan erlerdiń Ulttyq lıga komandalary arasynda HHHІІ Qazaqstan chempıonaty úshinshi týrynyń oıyndary aıaqtaldy.</p>

Bul týrda Igor Nıkolchenko jattyqtyratyn el chempıony – «Pavlodar» klýby qarsylastarynyń bárinen basym tústi.

Sońǵy matchta pavlodarlyqtar «Býrevestnık» (Almaty) komandasyn 3:0 (25:21, 25:23, 25:18) esebimen tize búktirip, upaı sanyn 49-ǵa jetkizdi.

Pavlodardan 10 upaıǵa qalyp qoıǵan «Taraz» «Atyraýdy» jeńdi – 3:0 (25:15, 25:19, 25:16).

Úzdik úshtikti túıindegen (38 upaı) Oraldyń «Jaıyǵy» «Jetisý jastaryn» qapy qaldyrdy – 3:0 (25:21, 25:13, 25:12).

Jetinshi oryndaǵy «Aqtóbe» kósh sońynda kele jatqan «Ushqyn-Kókshetaýdan» utylyp qaldy – 0:3 (20:25, 21:25, 23:25).

Tórtinshi týr 8-18 aqpanda Aqtóbe qalasynda ótip, sodan keıin pleı-off básekesine shyqqan úzdik segiz komanda anyqtalady. Pleı-off oıyndary Pavlodarda ótedi.

Eske sala keteıik, budan buryn voleıboldan Qazaqstan chempıonatynda «Jaıyqtyń» almatylyq «Býrevestnıkti» jeńgenin jazǵan bolatynbyz.