ÓSKEMEN. KAZINFORM – Óskemen qalasynda voleıboldan áıelderdiń ulttyq lıga komandalary arasynda Qazaqstan chempıonatynyń pleı-off kezeńinde «Qýanysh» pen «Aqtóbe» sheberlik baıqasty.
Turaqty chempıonatty úshinshi orynmen túıindegen soltústikqazaqstandyqtardyń (bas bapkeri Azamat Esimov) júldeden úmitti ekendigi anyq edi.
Ulttyq lıgaǵa ótken jyly ǵana qosylǵan «Aqtóbeniń» tizginin reseılik maman ıÝrıı Panchenko alǵannan beri oıyndary jandana túskendeı. Ásirese, B tobynda alǵashqy kezdesýinde «Almatyny» utyp ketkennen keıin jartylaı fınal joldamasy «Qýanyshpen» matchta sheshilip qalýy múmkin edi.
Buǵan deıin birinshilikte «Qýanyshpen» ótken úsh oıynda birde-bir partııany uta almaǵan aqtóbelikter toptyq básekeni sátti bastady – 25:23. Alaıda osydan keıin soltústikqazaqstandyqtardyń sheberligi basym ekendigi anyq sezildi – 25:15, 25:18, 25:18. Qorytyndy esep – 3:1.
Endi A.Esimov shákirtteri 4 naýryz kúni «Almatyny» jeńse, jartylaı fınalǵa joldama alady.
Eske sala keteıik, budan buryn voleıboldan Qazaqstan chempıonatynda «Turannyń» jartylaı fınalǵa shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).