Voleıboldan Qazaqstan chempıonaty: «Qýanysh» kósh basyna qaıta kóterildi

<p>ASTANA. KAZINFORM &ndash; Pavlodar qalasynda voleıboldan áıelderdiń Ulttyq lıga komandalary arasynda HHHІІ Qazaqstan chempıonaty ІІІ týrynyń oıyndary jalǵasýda.</p>

Buǵan deıin osy týrda qatarynan eki ret jeńiske jetken Óskemenniń «Berelin» «Jetisý» (Taldyqorǵan) komandasy toqtatty.

Serbııalyq Marko Grshıchtiń shákirtteri 3:1 (22:25, 25:21, 25:20, 27:25) esebimen jeńiske jetip, 31 upaımen besinshi orynǵa shyqty.

Esesine soltústikqazaqstandyq «Qýanysh» (bas bapkeri Azamat Esimov) óskemendik «Altaıdy» 3:0 (25:20, 25:19, 25:18) esebimen tize búktirip, 38 upaımen kósh basyna qaıta kóterildi. 37 upaıy bar «Berel» ekinshi orynǵa túsip qaldy. «Aıqarakózdi» (Taldyqorǵan) 3:0 (25:23, 25:16, 25:19) esebimen ońaı utqan «Almaty» 31 upaımen úshinshi orynǵa shyqty.

Sondaı-aq alań ıeleri – Pavlodardyń «Ertisin» 3:0 (25:22, 25:20, 25:11) esebimen jeńgen «Turannyń» (Túrkistan) da 31 upaıy bar, olar dop aıyrmashylyǵy boıynsha úzdik tórttikke taban tiredi.

Beısenbi kúni ortalyq kezdesý «Berel» men «Turan» arasynda ótedi.

Taǵy bir jańalyq, tórtinshi týr 21-27 aqpanda Óskemende ótetin boldy. Sodan keıin úzdik segizdikke ilikken komandalar pleı-off básekelerinde baq synaıdy.

Eske sala keteıik, budan buryn voleıboldan áıelder arasynda Qazaqstan chempıonatynda kóshbasy aýysqanyn jazǵan edik.