TÚRKІSTAN. KAZINFORM - Voleıboldan áıelderdiń Ulttyq lıga komandalary arasynda Qazaqstan chempıonatynda júldeli oryndar úshin báseke qyza tústi.
Soltústik Qazaqstan oblysynyń «Qýanysh» komandasy (bas bapkeri Azamat Esimov) ótken jyly fınalda Óskemenniń «Altaıyna» jol berip, kúmis júldeni qanaǵat tutqan edi.
Bıyl «Altaı» shırek fınalda «Qýanyshqa» ese jibergendikten, bıyl jańa chempıonnyń bolatyny anyq.
Chempıonattaǵy jeńis serııasyn pleı-off kezeńinde de jalǵastyrǵan «Qýanysh» jartylaı fınalda alań ıeleri - Túrkistannyń «Turanyna» qarsy keldi.
Asqar Shalqybekov jattyqtyratyn túrkistandyqtar birinshilik barysynda eki ret taı-breıkte «Qýanyshtan» utylǵan edi.
Jartylaı fınaldyq match ta asa tartysty ótip, bes partııaǵa sozyldy.
«Qýanysh» 3:2 (25:14, 17:25, 22:25, 25:22, 15:13) esebimen basym túsip, chempıondyqtan úmitker ekendigin dáleldeı tústi.
15 naýryzda qos klýb ekinshi kezdesýin ótkizedi. Endi «Qýanyshqa» bir jeńis jetkilikti.
Eske sala keteıik, budan buryn voleıboldan el chempıonatynda «Bereldiń» jartylaı fınalda «Jetisý» komandasyn utqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).