Voleıboldan Qazaqstan chempıonaty: «Esil» men «Atyraý» jartylaı fınalǵa joldama aldy
Alǵashqy bolyp alańǵa Alekseı Terenın jattyqtyratyn «Esil» (SQO) men «Býrevestnık» (bas bapkeri Aleksandr Stolnıkov) komandalary shyqty.
Óte tartysty ótken oıynda soltústikqazaqstandyqtar 3:2 (25:22, 24:26, 18:25, 25:15, 15:10) esebimen jeńiske jetip, jartylaı fınalǵa joldama aldy.
Sondaı-aq búgin «Jaıyq» (Oral) pen «Atyraý» komandalary taǵy bir jartylaı fınal joldamasyn sarapqa saldy.
«Jaıyqtyń» bas bapkeri Vıktor Kozık bastapqy quramda myna oıynshylarǵa senim artty: Vıtalıı Vorıvodın (komanda kapıtany), Vladımır Prokofev, Aıdyn Ádilbekov, Vıtalıı Vasılev (Reseı), Sergeı Kostıv, baılanystyrýshy ıAroslav Ostrahovskıı jáne lıberolar Qaırat Baıbekov, Dmıtrıı Sergeev.
«Atyraýdyń» jattyqtyrýshysy ıÝrıı Labetskıı Bekarys Ǵabıtuly (komanda kapıtany), Aıbol Ótegenov (baılanystyrýshy, Tólebı Álimbek, Oral voleıbolynyń túlegi Petr Chýrzın, Nurasyl Jambylov, Fedor Sýhatskıı, lıbero Aıan Álimhanovty shyǵardy.
Birinshi partııada oraldyqtar aıqyn basymdylyq kórsetti – 25:18.
Ekinshi set barysynda V.Kozıktiń shákirtteri 6 upaı aıyrmashylyǵymen ozyq turǵanymen, atyraýlyqtar tarazy basyn teńestire aldy – 14:14. Sodan keıin ózderi alǵa shyqty – 19:17. Degenmen «Jaıyq» uzaqqa sozylǵan teketiresti óz paıdasyna aıaqtady – 36:34.
Tartysty ótken úshinshi kezeńde atyraýlyqtar qarymta qaıyrdy – 32:30. Budan keıin «Atyraý» óz múmkindikterin tolyq paıdalana bildi – 26:24, 15:8. Ásirese, «Atyraý» sapynda reseılik F.Sýhatskıı nátıjeli shabýylymen kózge tústi. Pákstandyq Afak Han tyń lep qosa bildi. Óziniń týǵan kúninde lıbero A.Álimhanov ta sátti oınady.
Osylaısha, «Jaıyq» favorıt sanalǵanymen, pleı-off básekesinde «Atyraý» utyp ketti.
«Esil» jartylaı fınalda «Pavlodar» - «Jetisý jastary» (Taldyqorǵan), «Atyraý» «Taraz» - «Aqtóbe» matchynyń jeńimpazymen kezdesedi.
Eske sala keteıik, budan buryn «Turannyń» óz tarıhynda tuńǵysh ret voleıboldan el chempıony atanǵanyn jazǵan bolatynbyz.