Voleıboldan Qazaqstan chempıonaty: altyn úshin aıqasta "Taraz" tarazy basyn teńestirdi

<p>PAVLODAR. KAZINFORM - Pavlodar qalasynda voleıboldan erlerdiń Ulttyq lıga komandalary arasynda Qazaqstan chempıony erteń anyqtalady.</p>

Búgin ótken jylǵy el chempıony "Pavlodar" men "Taraz" klýbtary fınalda ekinshi kezdesýin ótkizdi.

Keshe Igor Nıkolchenko jattyqtyratyn pavlodarlyqtar "Tarazdy" utqandyqtan, olarǵa bir jeńis jetkilikti edi. 

Alaıda Andreı Patrakovtyń shákirtteri búgin tyń serpinmen alǵashqy eki partııany aldy - 25:23, 25:17. Budan keıin alań ıeleri esepti qysqartty - 25:22. 

Tórtinshi partııada tarazdyqtar 9:5 esebimen alǵa ketti. Pavlodarlyqtar tarazy basyn teńestire aldy - 14:14. Biraq "Tarazdyń" qarqynyn tejeı almady - 23:25. Setter sany boıynsha esep: 3:1, "Tarazdyń" paıdasynda.

Jalpy esep teń - 1:1.

Qazaqstan chempıony erteń qosymsha, úshinshi matchta anyqtalady. 

Eske sala keteıik, budan buryn "Esil" komandasynyń voleıboldan Qazaqstan chempıonatynyń qola júldegeri atanǵanyn jazǵan bolatynbyz.