Voleıboldan el chempıonatynyń pleı-off satysyna shyqqandar anyqtaldy

<p>PETROPAVL. KAZINFORM &ndash; Petropavl qalasynda voleıboldan áıelderdiń Ulttyq lıga komandalary arasynda HHHІІ Qazaqstan chempıonatynyń tórtinshi týry barysynda pleı-off satysyna joldama alǵandar anyqtaldy.</p>

Osyǵan deıin jeti komanda óz mindetin sheship qoıǵan edi.

Sońǵy, segizinshi joldamaǵa «Altaı» (Óskemen) men «Aıqarakóz» (Taldyqorǵan) klýbtary talasty.

Negizinen jastardan quralǵan «Altaı» taldyqorǵandyqtardy 3:1 (25:18, 23:25, 25:18, 25:22) esebimen utyp, 10 upaımen 8-satyǵa ornyqty. 

Kósh sońynda qalǵan «Aıqarakózdiń» esebinde 5-aq qana upaı bar. 

«Ertisti» 3:0 (25:18, 25:19, 25:16) esebimen jeńgen «Qýanysh» (SQO) týrnır kestesinde 60 upaımen jeke-dara kósh bastap keledi.

«Qaraǵandyny» 3:0 (25:14, 25:17, 25:12) esebimen qapy qaldyrǵan «Berel» (Óskemen) 53 upaımen ekinshi orynda. 

«Almatyny» 3:0 (25:13, 25:14, 25:13) esebimen oısyrata utqan «Turan» (Túrkistan) 52 upaımen úzdik úshtikte. 

27 aqpan, seısenbi kúngi sońǵy oıyndarda pleı-off kezeńine shyqqan komandalardyń kimdermen kezdesetini tolyq belgili bolady.

Eske sala keteıik, budan buryn voleıboldan el birinshiliginde Óskemenniń «Bereli» «Almatyny» tize búktirgenin jazǵan bolatynbyz.