ATYRAÝ. KAZINFORM — Atyraý qalasynda voleıboldan erlerdiń ulttyq lıga komandalary arasynda HHHІІІ Qazaqstan chempıonatynyń birinshi týrynyń sońǵy kúni «Jetisý» (Taldyqorǵan) men «Taraz» alańǵa shyqty.
ıÝrıı Bashkatov jattyqtyratyn tarazdyqtar bıyl kóktemde chempıon atansa, taldyqorǵandyqtar birinshi týr barysynda jeńilmeı kele jatqan edi.
Bul joly alǵashqy eki partııada tarazdyqtar basymdylyq tanytty – 25:19, 26:24. Sodan keıin Marat Adryshevtiń shákirtterine kezek keldi – 25:23, 25:14. Sońǵy, besinshi sette «Taraz» jeńisti julyp aldy – 16:14. Jalpy esep – 3:2.
Osylaısha, chempıonatta jeńilmegen komanda qalmady.
Taldyqorǵandyqtar 15 upaımen birinshi týrda kósh bastasa, tarazdyqtar (12 upaı) ekinshi orynǵa kóterildi.
Eske sala keteıik, budan buryn «Jaıyqtyń» el chempıony «Tarazdy»» tize búktirgenin jazǵan bolatynbyz.
Sondaı-aq «Jetisý» «Pavlodardan» basym tústi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).