Voleıboldan el chempıonatynda «Jetisý» aqtóbelikterge ese jiberdi

<p>PAVLODAR. KAZINFORM &mdash; Pavlodar qalasynda voleıboldan erlerdiń ulttyq lıga komandalary arasynda ótip jatqan XXXIII Qazaqstan chempıonatynyń ekinshi týrynda &laquo;Jetisý&raquo; (Taldyqorǵan) men &laquo;Aqtóbe&raquo; kezdesti.</p>

Qorjynynda 24 upaıy bar taldyqorǵandyqtar osy oıynda utsa, onda týrnır kestesinde birinshi orynǵa kóteriler edi. Óıtkeni kósh basyndaǵy Oraldyń «Jaıyǵy» (25 upaı) búgingi básekelerge qatyspaıdy.

Dúısenbi kúni oraldyqtarǵa 0:3 esebimen jol bergen aqtóbelikterge de upaı aýadaı qajet edi.
Birinshi partııada «Jetisý» 25:21 esebimen basym túskenimen, budan keıin aqtóbelikter kúsh alyp ketti – 25:23, 25:21, 25:21. Qorytyndy esep – 3:1.

Osylaısha, 20 upaı jınaǵan aqtóbelikter qaıtadan úshinshi orynǵa shyqty.

Eske sala keteıik, budan buryn voleıboldan el chempıony «Tarazdyń» atyraýlyqtardan jeńilip qalǵanyn jazǵan bolatynbyz.