ÓSKEMEN. KAZINFORM — Óskemen qalasynda voleıboldan áıelderdiń ulttyq lıga komandalary arasynda «Qýanysh» jartylaı fınalǵa shyqty.
Azamat Esimov jattyqtyratyn soltústikqazaqstandyq klýb B tobynda «Almatymen» (bas bapkeri Rafael Gılıazýtdınov) kezdesti.
Birinshi partııada «Qýanysh» 25:19 esebimen basym tússe, ekinshisinde de jeńisti ýysynan shyǵarǵan joq — 25:22. Úshinshi set 25:19 esebimen aıaqtaldy. Qorytyndy esep — 3:0.
Osylaısha, jartylaı fınalǵa joldama alǵan «Qýanysh» Óskemenniń «Berelimen» sheberlik baıqasatyn boldy.
Ekinshi jartylaı fınalda «Jetisý» (Taldyqorǵan) men «Turan» (Túrkistan) komandalary ózara synǵa túsedi.
Jartylaı fınalda eki ret jeńgen klýb sońǵy, chempıondyq básekege joldama alady.
Qalǵan tórt komanda 5-8-oryndardy sarapqa salady.
Eske sala keteıik, budan buryn voleıboldan Qazaqstan chempıonatynda «Turannyń» jartylaı fınalǵa joldama alǵanyn jazǵan bolatynbyz.
Sondaı-aq «Qýanysh» toptyq básekede «Aqtóbeden» aılasyn asyrdy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).