Voleıboldan el chempıonatynda «Pavlodar» jeke-dara kósh bastady

<p>Tarazda voleıboldan erlerdiń Ulttyq lıga komandalary arasynda HHHІІ Qazaqstan chempıonaty ekinshi týrynyń oıyndary máresine jetti, dep habarlaıdy <a href="Kazinform" target="_blank" rel="noopener">Kazinform</a>.</p>

Sońǵy kúni el chempıony «Pavlodar» men «Taraz» komandalary ózara sheberlik baıqasty.
Igor Nıkolchenko jattyqtyratyn pavlodarlyqtar tarazdyqtardy (bas bapkeri ıÝrıı Bashkatov) 3:0 (25:20, 28:26, 25:21) esebimen tize búktirip, týrnır kestesinde 29 upaımen jekedara kósh bastady.

«Tarazdyń» qorjynynda 26 upaı bolsa, úzdik úshtikti «Jaıyq» (24 upaı) túıindedi. Oraldyqtardyń «Tarazdy» basyp ozatyndaı múmkindikteri bar edi. Alaıda Vıktor Kozıktiń shákirtteri sońǵy oıynda kútpegen jerden «Aqtóbege» ese jiberdi – 0:3 (26:28, 23:25, 22:25).
«Pavlodar» men «Jaıyq» komandalary áli ózara kezdesken joq.

Birinshi jáne ekinshi týrda keıinge qaldyrylǵan barlyǵy toǵyz match aldaǵy jyly oınalatyn bolady.

Osyǵan deıin toǵyz ret qatarynan utylǵan «Ushqyn-Kókshetaý» komandasy sońǵy kúni «Atyraýdy» 3:1 (17:25, 25:21, 25:20, 26:24) esebimen utyp, alǵashqy jeńisine qol jetkizdi. «Jetisý jastaryn» 3:1 (25:21, 22:25, 25:17, 25:19) jeńgen «Esil» (SQO) 16 upaımen tórtinshi orynǵa ornyqty.

Úshinshi týr oıyndary 10-20 qańtarda Oral qalasynda ótedi.

Eske sala keteıik, budan buryn voleıboldan Qazaqstan chempıonatynda «Jaıyqtyń» kósh basyndaǵy «Tarazdy» utqanyn jazǵan edik.