Voleıboldan el chempıonatynda «Berel» men «Jetisý» komandalary alda keledi

<p>ASTANA. KAZINFORM &mdash; Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonatynyń úshinshi týrynda kezekti oıyndar nátıjesi belgili boldy.</p>

Ótken jylǵy kýbok pen sýperkýbok ıegeri «Jetisý» (Taldyqorǵan) komandasy «Almatyny» 3:0 (2513, 25:16, 25:20) esebimen qınalmaı utty.

Sondaı-aq Qazaqstan chempıonatynyń ótken jylǵy kúmis júldegeri «Berel» (Óskemen) klýby «Aqtóbeni» buıym qurly kórgen joq — 3:0 (25:12, 25:15, 25:14).

Óskemendikter jeńis sany (15, upaıy — 42) jóninen alda tursa, taldyqorǵandyqtar upaı sanyn 44-ke jetkizdi.

El chempıony «Turan» (Túrkistan) Pavlodardyń «Ertisinen» basym tústi — 3:1 (25:20, 22:25, 25:11, 25:16).

Eń tartysty kezdesý «Arý-Astana» men «Gratsııa KZ» (Oral) arasynda boldy. Keshe astanalyqtar kútpegen jerden kósh sońyndaǵy «Ertiske» 2:3 esebimen ese jibergen edi. Búgin qos klýbtyń da jeńiske jetetindeı múmkindikteri boldy. Bes partııaǵa sozylǵan oıynda sáttilik astanalyqtar jaǵynda boldy — 3:2 (25:23, 25:23, 20:25, 23:25, 15:10). Bul kezdesý qorytyndysymen «Arý-Astana» 2, «Gratsııa KZ» 1 upaıǵa ıe boldy.

Eske sala keteıik, budan buryn «Bereldiń» el chempıony «Turan» komandasyn utqanyn jazǵan bolatynbyz.