ASTANA. KAZINFORM – Pavlodar qalasynda áıelderdiń Ulttyq lıga komandalary arasynda HHHІІ Qazaqstan chempıonaty úshinshi týrynyń oıyndary jalǵasyp jatyr.
Bul joly ortalyq oıyn óskemendik «Berel» men túrkistandyq «Turan» arasynda ótti.
Osynyń aldynda soltústikqazaqstandyq «Qýanyshtan» utylǵan óskemendikter «Turanǵa» 1:3 (21:25, 19:25, 27:25, 21:25) esebimen ese jiberdi. «Almaty» «Altaıdy» 3:0 (25:12, 25:21, 25:17) esebimen ońaı jeńse, «Jetisý» taǵy bir taldyqorǵandyq klýb – «Aıqarakózden» basym tústi – 3:0 (25:12, 25:9, 25:14).
«Qaraǵandyny» 3:0 (25:13, 25:14, 25:11) esebimen tize búktirgen «Qýanysh» 41 upaımen kósh bastap keledi. «Berel» 37 upaımen ekinshi orynda. Alaıda 34 upaı jınaǵan «Almaty», «Jetisý» jáne «Turan» komandalary «Berelge» jaqyndap qaldy.
Eske sala keteıik, budan buryn voleıboldan Qazaqstan chempıonatynda «Qýanyshtyń» kósh basyna qaıta kóterilgenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).