PAVLODAR. KAZINFORM — Pavlodar qalasynda voleıboldan erlerdiń Ulttyq lıga komandalary arasynda HHHІІ Qazaqstan chempıonatynda fınalǵa shyqqan ekinshi klýb anyqtaldy.
Ótken jylǵy el chempıony «Pavlodar» «Esil» (SQO) komandasymen ekinshi jartylaı fınaldyq kezdesýin sátti ótkizdi.
Keshe soltústikqazaqstandyqtardy 3:1 esebimen tize búktirgen Igor Nıkolchenkonyń shákirtteri búgingi oıynda da jankúıerler senimin aqtaı bildi.
Maksım Mışenko, Asqar Serik, Nııaz Nurǵazın, Ilıa Morozov sııaqty voleıbolshylar komandasyn alǵa jetelep, 3:1 (25:18, 22:25, 25:16, 25:19) esebimen jeńiske jetti.
Osylaısha, turaqty chempıonatta kósh basyn eshkimge bermegen «Pavlodar» men «Taraz» altyn úshin talasady.
«Esil» men «Atyraý» qola júldeni sarapqa salady. Básekeler eki jeńiske deıin jalǵasady.
Eske sala keteıik, budan buryn voleıboldan Qazaqstan chempıonatynda «Taraz» komandasynyń fınalǵa shyqqanyn jazǵan bolatynbyz
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).