Voleıboldan el chempıonaty: «Qýanysh» komandasy qola júldege jaqyn tur

<p>TÚRKІSTAN. KAZINFORM &mdash; Túrkistan qalasynda voleıboldan áıelderdiń Ulttyq lıga komandalary arasynda HHHІІ Qazaqstan chempıonatynda &laquo;Qýanysh&raquo; (SQO) pen &laquo;Jetisý&raquo; (Taldyqorǵan) klýbtary qola júlde úshin alańǵa shyqty.</p>

Ótken jyly soltústikqazaqstandyqtar kúmis júldege ıe bolsa, «Jetisý» úzdik úshtikke ilikken edi.
Serbııalyq maman Marko Grshıch Óskemenniń «Altaıymen» birge el chempıony atanǵan bolatyn. Alaıda «Altaıdan» negizgi oıynshylar ketip qalǵannan keıin M.Grshıch te «Jetisý» klýbyn jattyqtyrýdy qosh kórdi.

Bıylǵy chempıonatta kóshtiń aldyn bermegen «Qýanysh» (bas bapkeri Azamat Esimov) jartylaı fınalda Túrkistannyń «Turanyna» jol berip, úshinshi orynǵa ǵana talasýǵa múmkindik aldy.
Búgingi oıynda «Jetisý» matchty qarqyndy bastady – 25:20. Grshıchtiń shákirtteri ekinshi partııa barysynda da basymdylyqqa ıe bolǵanymen, sony paıdalana almady – 24:26. Sodan keıin «Qýanysh» kúsh alyp ketti – 25:21, 25:15. Jalpy esep – 3:1.

Endi soltústikqazaqstandyqtar erteńgi ekinshi oıynda jeńiske jetse, qola júldeger atanady. 
Besinshi oryn úshin birinshi matchta «Almaty» «Ertisti» (Qaraǵandy) ońaı utty – 3:0 (25:19, 25:16, 25:19).

Sondaı-aq «Qaraǵandy» «Altaıdy» 3:0 (25:20, 25:20, 25:17) esebimen tize búktirip, jetinshi satyǵa laıyq ekendikterin baıqatty.

Eske sala keteıik, budan buryn «Turan» men «Bereldiń» altynǵa talasatynyn jazǵan bolatynbyz.