Voleıboldan el chempıonaty: qola júlde úshin básekede «Jetisý» «Qýanyshty» jeńdi

<p>TÚRKІSTAN. KAZINFORM &mdash; Túrkistan qalasynda voleıboldan áıelderdiń Ulttyq lıga oıyndary márege jaqyndady.</p>

Búgin «Jetisý» (Taldyqorǵan) men «Qýanysh» (SQO) komandalary qola júlde úshin básekede ekinshi kezdesýlerin ótkizdi.

Keshe Azamat Esimov jattyqtyratyn soltústikqazaqstandyqtar 3:1 esebimen basym túsken edi. Búgin olar jeńse, qola júlde alatyn edi. Alaıda taldyqorǵandyqtar matchty qarqyndy bastady – 25:18.

Ekinshi partııada A.Esimovtiń shákirtteri 8:3 esebimen alǵa ketkenimen, «Jetisý» tarazy basyn teńestirdi. Serbııalyq maman Marko Grshıch Irına Kenjebaevanyń ornyna oıynǵa qosqan Perızat Nurbergenova tyń serpin bere bildi – 25:22.

Úshinshi partııada «Qýanysh» ese qaıtardy – 25:17. Ásirese, match barysynda ýkraınalyq shabýylshy ıÝlııa Dymar nátıjeli oıynymen kózge tústi. Degenmen tórtinshi sette «Jetisý» jeńisti julyp aldy – 25:23. Jalpy esep – 3:1.

Osylaısha, qola júlde úshin básekede esep teńesti – 1:1. Qola júldeger erteń úshinshi matchta anyqtalatyn bolady. 

Búgin «Altaıdy» ekinshi kezdesýinde 3:1 (25:19, 23:25, 25:14, 25:18) esebimen utqan «Qaraǵandy» jetinshi orynǵa ıe boldy. Al Pavlodardyń «Ertisin» 3:0 (25:13, 25:14, 25:19) oısyrata jeńgen «Almaty» besinshi satydan kórindi. Ótken jyly sýperkýbok ıegeri atanǵan almatylyqtar júldege ilige almady. «Altaı» sáıkesinshe 8-inshi, «Ertis» altynshy orynda qaldy.

Eske sala keteıik, budan buryn voleıboldan el chempıonatynda «Qýanysh» komandasynyń qola júldege jaqyn turǵanyn jazǵan bolatynbyz.

Sondaı-aq «Turan» fınalda birinshi matchta jeńiske jetti.