Voleıboldan Azııa chempıonaty: Qazaqstan jarysty erte aıaqtady

NUR-SULTAN. QazAqparat - Japonııanyń Tıba qalasynda ótip jatqan voleıboldan erler arasynda Azııa chempıonatynda Qazaqstan quramasy úsh kezdesýinde de jeńildi, dep habarlaıdy QazAqparat tilshisi.

Aıta keteıik, qazaqstandyq voleıbolshylar D tobynda synǵa túsedi. Qarsylastary - Ońtústik Koreıa, Qytaılyq Taıbeı jáne Saýd Arabııasy.

Búgin qazaqstandyq voleıbolshylar Saýd Arbaııasyna 0:3 (20:25, 22:25, 19:25) esebimen ese jiberdi. Odan buryn qazaqstandyq voleıbolshylar Qytaılyq Taıbeı men Ońtústik Koreıaǵa dál sol eseppen jeńilgen bolatyn.

Osylaısha Qazaqstan quramasy óz tobynda tórtinshi oryndy mise tutty. Nátıjesinde jarysty erte aıaqtaýǵa májbúr boldy.

Azııa chempıonaty 12-19 qyrkúıek aralyǵynda ótkiziledi.

Qurdyqtyq dodada 16 qurama tórt topqa bólingen.

A tobynda Japonııa, Úndistan, Katar, Bahreın, B tobynda Iran, Pákistan, Iran, Gonkon, S tobynda Qytaı, Avstralııa, Kýveıt, Shrı-Lanka quramalary sheberlik baıqasady.

Árbir toptan alǵashqy eki oryn alǵan quramalar jarysty jalǵastyrady.

D tobynda ondaı múmkindikke Qytaılyq Taıbeı men Ońtústik Koreıa ıe boldy.