Voleıboldan áıelder komandalary arasynda pleı-off básekeleri bastaldy

<p>TÚRKІSTAN. KAZINFORM &mdash; Túrkistan qalasynda voleıboldan Ulttyq lıganyń áıelder komandalary arasynda HHHІІ Qazaqstan chempıonatynyń pleı-off básekeleri bastaldy.</p>

Alańǵa alǵashqy bolyp «Jetisý» (Taldyqorǵan) jáne «Ertis» (Pavlodar) komandalary shyqty.
Bul oıynda taldyqorǵandyqtar 3:1 (25:23, 25:22, 20:25, 25:17) esebimen jeńiske jetip, ózderiniń favorıt ekendigin dáleldedi.

Sondaı-aq «Berel» (ShQO) «Qaraǵandy» komandasyn 3:0 (25:13, 25:20, 25:9) esebimen ońaı utty. 
Taldyqorǵandyqtar men óskemendikter kelesi oıynynda qarsylasyn tize búktirse, jartylaı fınalda ózara myqtyny anyqtaıdy.

Chempıonatty qatarynan on jeńispen aıaqtaǵan «Qýanyshtyń» (SQO) Óskemenniń «Altaıynan» basym túsetini anyq. Ótken jyly chempıon atanǵanymen, kóptegen beldi oıynshysy ketip qalǵan «Altaıda» qazir jastar ǵana oınap júr. Al túrkistandyq «Turan» men «Almatynyń» pleı-ofta qaı jeńgeni jartylaı fınalda «Qýanyshpen» kezdesedi.

Pleı-off básekesinde eki jeńiske jetken komanda jartylaı fınalǵa joldama alady. Esep 1:1 bolsa, qosymsha úshinshi match oınalady.

Eske sala keteıik, budan buryn Petropavlda voleıboldan el chempıonatynyń tórtinshi týry máresine jetkenin jazǵan bolatynbyz.