Voleıboldan áıelder arasynda Qazaqstan chempıonatynyń úshinshi týry máresine jetti

<p>&nbsp;ASTANA. KAZINFORM &ndash; Pavlodar qalasynda áıelderdiń Ulttyq lıga komandalary arasynda HHHІІ Qazaqstan chempıonaty úshinshi týrynyń oıyndary máresine jetti.</p>

Sońǵy kúnniń ortalyq matchy soltústikqazaqstandyq «Qýanysh» pen taldyqorǵandyq «Jetisý» arasynda ótti.

Bastapqy eki set birshama tartysty ótip, Azamat Esimovtiń shákirtteri 25:21, 25:21 esebimen basym tústi. Al úshinshi partııa aıqyn basymdylyqpen aıaqtaldy – 25:11. Qorytyndy esep – 3:0, «Qýanyshtyń» paıdasynda.

«Qýanysh» 47 upaımen týrnır kestesinde jeke-dara kósh bastap keledi.

«Aıqarakózdi» 3:0 esebimen súrindirgen shyǵysqazaqstandyq «Berel» klýby 43 upaımen ekinshi orynǵa jaıǵasty. «Qaraǵandyny» tize búktirgen «Turannyń» (Túrkistan) da qorjynynda 43 upaı bar.

«Jetisý» 40 upaımen tórtinshi, «Almaty» (37 upaı) besinshi satyda.

Óskemenniń «Altaıyn» 3:0 esebimen jeńgen Pavlodardyń «Ertisi» 24 upaı jınap, altynshy orynda keledi.

Tórtinshi týr 21-27 aqpanda Óskemen qalasynda ótip, pleı-off básekesine joldama alǵan segiz komanda anyqtalady.

Eske sala keteıik, budan buryn voleıboldan el chempıonatynda «Qýanyshtyń» «Almatyny utqanyn jazǵan edik.