ASTANA. KAZINFORM — Fılıppınde voleıboldan Azııa chempıondar lıgasynda «Jetisý» komandasy ekinshi kezdesýin jeńispen aıaqtady.
Taldyqorǵandyqtar «A» tobynda ıordanııalyq «Al Nasser» komandasymen sheberlik baıqasty.
Bul joly serbııalyq maman Marko Grshıch negizgi quramda azdaǵan ózgeris jasap, Krıstına Anıkonova men «Qýanyshtan» (SQO) qosylǵan ýkraınalyq ıÝlııa Dymardy alańǵa birden shyǵardy.
Qazaqstandyq voleıbolshylar asa qınala qoıǵan joq. Úshinshi sette Perızat Nurbergenova, Irına Kenjebaevalar da oıynǵa qosyldy.
«Jetisý» 3:0 (25:10, 25:15, 25:11) esebimen qarsylasyn oısyrata utyp, óz tobynan birinshi orynmen shırek fınalǵa ótti.
Taldyqorǵandyq komandanyń shırek fınaldaǵy qarsylasy keıin anyqtalady.
Eske sala keteıik, budan buryn «Jetisýdyń» voleıboldan Azııa chempıondar lıgasyn jeńispen bastaǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).