ÓSKEMEN. KAZINFORM – Voleıboldan áıelderdiń ulttyq lıga komandalary arasynda Qazaqstan chempıonaty tórtinshi kishi týry aıasynda Óskemende «Berel» men «Jetisý» sheberlik baıqasty.
Bul kezdesýdiń qos klýb úshin de mańyzy zor edi. Osyǵan deıin serbııalyq maman Marko Grshıch jattyqtyratyn taldyqorǵandyqtar 22 matchta jeńilmegen edi. Al taǵy bir serbııalyq Vladımır Vasovıchtiń shákirtteri óz alańynda qalaıda upaı alýdy kózdegen bolatyn. Degenmen «Jetisý» 3:0 (25:21, 26:24, 25:18) esebimen myqtylyǵyn dáleldep, upaı sanyn 67-ge jetkizdi.
Petropavlda «Qýanysh» qaraǵandylyqtardan 3:0 (25:22, 25:12, 25:19) esebimen basym túsip, 60 upaımen burynǵysha ekinshi satyda keledi. Úzdik úshtiktegi «Bereldiń» 49 upaıy ǵana bar. Tórtinshi satydaǵy «Turan» (Túrkistan) «Almatyny» 3:1 (25:18, 25:18, 20:25, 25:17) esebimen tize búktirdi.
Júldeli oryndar úshin talas osy tórt klýbtyń arasynda ótetin túri bar. Tórtinshi kishi týr oıyndary juma kúni máresine jetedi.
Eske sala keteıik, budan buryn Óskemenniń «Bereli» óz alańynda «Turandy» qapy qaldyrǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).