Voleıbol: «Turandy» jeńgen «Berel» birinshi orynǵa kóterildi

<p>ÓSKEMEN. KAZINFORM &ndash; Voleıboldan áıelderdiń ulttyq lıga komandalary arasynda Óskemen qalasynda ótip jatqan XXXIII Qazaqstan chempıonatynyń birinshi týrynda sársenbi kúni ortalyq matchta &laquo;Berel&raquo; men &laquo;Turan&raquo; (Túrkistan) sheberlik baıqasty.</p>

Asqar Shalqybekov jattyqtyratyn túrkistandyqtar bıyl kóktemde óz tarıhynda alǵash ret chempıon atansa, óskemendikter (bas bapkeri Rıshat Gılıazýtdınov) birinshi týrda jeńilmeı kele jatqan edi.
Match asa tartysty órbip, bes setke sozyldy. Onda alań ıeleri 3:2 (22:25, 25:16, 25:15, 27:29, 15:12) esebimen jeńiske jetti.
Osylaısha, 16 upaı jınaǵan «Berel» birinshi orynǵa kóterildi. Ekinshi oryndaǵy «Jetisý» (Taldyqorǵan) klýbynyń da qorjynynda 16 upaı bar. «Qaraǵandy» (15 upaı) úshinshi satyda.
Erteń, birinshi týrdyń sońǵy kúni «Almaty» - «Jetisý», «Arý-Astana» - «Gratsııa KZ», «Qaraǵandy» - «Qýanysh» (SQO), «Turan» - «Ertis» (Pavlodar), «Berel» - «Aqtóbe» komandalary ózara synǵa túsedi.
Eske sala keteıik, budan buryn voleıboldan el chempıonatynda «Jetisý» jeńilmeı kele jatqan «Qaraǵandyny» utqanyn jazǵan bolatynbyz.