ASTANA. KAZINFORM — Voleıboldan áıelder klýbtary arasynda Maldıv araldarynyń astanasy Male qalasynda ótip jatqan Ortalyq Azııa chempıondar lıgasynda «Turan» komandasy ekinshi kezdesýinde jeńiske jetti.
Bul joly túrkistandyqtar «WAMCO» (Maldıv) komandasymen sheberlik baıqasty.
Tartystylaý órbigen birinshi partııada túrkistandyqtar basymdylyq tanytty - 25:21. Qalǵan eki set tipti ońaıǵa tústi - 25:8, 25:8. Qorytyndy esep - 3:0.
Osylaısha, Asqar Shalqybekovtiń shákirtteri óz tobynan birinshi orynmen jartylaı fınalǵa joldama aldy.
Eske sala keteıik, budan buryn voleıboldan «Turan» klýbynyń Ortalyq Azııa chempıondar lıgasyn sátti bastaǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).