ASTANA. KAZINFORM – Voleıboldan áıelder klýbtary arasynda Maldıv araldarynyń astanasy Male qalasynda Ortalyq Azııa chempıondar lıgasynyń oıyndary aıaqtaldy.
Túrkistannyń «Turan» komandasy fınalǵa deıin súrinbeı jetti.
Asqar Shalqybekovtiń shákirtteri jartylaı fınalda Nepaldyń «Nepal Polıs» komandasyn 3:0 (25:14, 25:13, 25:11) esebimen oısyrata jeńdi. Alaıda túrkistandyqtar sheshýshi básekede Irannyń «Fýlad» klýbyna ese jiberdi – 0:3 (22:25, 20:25, 20:25).
Osylaısha, «Turan» alǵash ret ótkizilgen Ortalyq Azııa chempıondar lıgasynda kúmis júldeni qanaǵat tutty. Al ırandyq klýb Azııa chempıondar lıgasyna joldama aldy.
Eske sala keteıik, budan buryn voleıboldan «Turannyń» Ortalyq Azııa chempıondar lıgasynyń jartylaı fınalyna shyqqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).