ASTANA. KAZINFORM – Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonaty úshinshi týrynyń sońǵy oıyndary ótýde.
Ótken jylǵy el chempıony «Turan» (Túrkistan) týrdy sátti ótkizdi deýge bolady.
Asqar Shalqybekovtiń shákirtteri búgin «Gratsııa KZ» komandasyn 3:0 (25:6, 25:22, 25:15) esebimen utty.
Bul «Turannyń» qatarynan altynshy jeńisi edi. Osylaısha, úshinshi týr qorytyndysymen túrkistandyqtar «Qaraǵandyny» artqa qaldyryp, 43 upaımen týrnır kestesinde tórtinshi orynǵa kóterildi.
Osy týrda «Turannan» Svetlana Nıkolaeva úzdik oıynshy atandy.
Qaraǵandylyqtar «Almatydan» 3:0 (25:21, 25:18, 26:24) aılasyn asyrǵanymen, 42 upaımen besinshi satyda qaldy.
Búgin tartysty kezdesý «Aqtóbe» men «Arý-Astana» arasynda boldy. Munda aqtóbelikter 3:2 (21:25, 25:21, 20:25, 25:23, 15:12) esebimen basym túsip, 23 upaımen altynshy orynǵa jaıǵasty.
Eske sala keteıik, budan buryn voleıboldan óskemendikterdiń «Jetisý» komandasynan ese qaıtara ala ma, sony jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).