ASTANA. KAZINFORM — Túrkistannyń «Turany» áıelder klýbtary arasynda Maldıv araldarynyń astanasy Male qalasynda ótip jatqan Ortalyq Azııa chempıondar lıgasynda bastapqy kezdesýin ótkizdi.
Atalmysh jarysta 7 komanda eki topqa bólingen.
Asqar Shalqybekovtiń shákirtteri búgin óz tobynda Hirdaramani SC (Shrı-Lanka) komandasymen oınady. Túrkistandyq voleıbolshylar alǵashqy eki partııada asa qınalǵan joq — 25:11, 25:8. Sońǵy set te «Turannyń» paıdasyna sheshildi — 25:20. Qorytyndy esep — 3:0.
Túrkistandyq klýb 6 aqpan kúni alań ıeleri — WAMCO (Maldıv) komandasymen kezdesedi.
Ótken jyly erler klýbtary arasynda Male qalasyndaǵy osyndaı jarysta Oraldyń «Jaıyǵy» top jarǵan bolatyn.
Eske sala keteıik, budan buryn voleıboldan Ortalyq Azııa chempıondar lıgasynda «Turannyń» el namysyn qorǵaıtynyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).