PETROPAVL. KAZINFORM – Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonatynyń oıyndary qaıta jalǵasty.
Bir kúndik úzilisten keıin alańǵa alǵashqy bolyp «Turan» (Túrkistan) men «Qaraǵandy» klýbtary shyqty.
Asqar Shalqybekov jattyqtyratyn túrkistandyqtar ótken jyly óz tarıhynda tuńǵysh ret el chempıony atansa, qaraǵandylyqtar osy birinshilikti sátti bastaǵan edi.
Alaıda Nurlan Sadyqovtyń shákirtteri myqty komandalarǵa tap bolǵan kezden-aq júrisinen jańyla bastady.
Osyǵan deıin qaraǵandylyqtar 33 upaımen tórtinshi satyda tursa, «Turan» besinshi orynda edi.
Birshama tartysty ótken oıynda túrkistandyqtar 3:0 (26:24, 25:23, 26:24) esebimen jeńiske jetip, 34 upaımen týrnır kestesinde tórtinshi orynǵa kóterildi.
Búgin sondaı-aq taǵy tórt matchtyń nátıjeleri belgili bolady.
Eske sala keteıik, budan buryn «Gratsııa KZ» komandasynyń Pavlodardyń «Ertisinen» basym túskenin jazǵan bolatynbyz.
Sondaı-aq el chempıony «Turan» komandasy «Aqtóbeden» basym tústi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).