Voleıbol: «Taraz» el chempıony «Pavlodardy» tize búktirdi

<p>AQTÓBE. KAZINFORM &ndash; Aqtóbe qalasynda voleıboldan ótip jatqan erlerdiń Ulttyq lıga komandalary arasynda HHHІІ Qazaqstan chempıonatynyń tórtinshi týrynda jeksenbi kúni ortalyq match &laquo;Pavlodar&raquo; men &laquo;Taraz&raquo; arasynda boldy.</p>

Keshe ekinshi oryndaǵy tarazdyqtar ózin ókshelep kele jatqan «Jaıyqty» 3:0 esebimen utqan edi.

Búgin «Taraz» el chempıony «Pavlodar» komandasymen alańǵa shyqty. Tarazdyqtar 3:1 (25:23, 22:25, 25:18, 25:15) esebimen jeńiske jetti.

Týrnır kestesinde pavlodarlyqtar 52 upaımen burynǵysha kósh bastasa, «Taraz» (48 upaı) bir taban jaqyndaı tústi.

Úshinshi oryndaǵy «Jaıyq» (41 upaı) búgin «Aqtóbege» 1:3 (28:30, 20:25, 25:22, 20:25) esebimen ese jiberdi. Oraldyqtar chempıonat barysynda osymen aqtóbelikterden ekinshi ret jeńilip otyr.

Tórtinshi satydaǵy «Esil» (SQO, 32 upaı) kútpegen jerden «Jetisý jastaryna» jol berdi – 0:3 (21:25, 24:26, 21:25).

«Atyraý» «Ushqyn-Kókshetaýdan» 3:0 (25:22, 25:22, 25:13) esebimen aılasyn asyrdy.

Eske sala keteıik, budan buryn Aqtóbede voleıboldan erler arasynda el chempıonatynyń tórtinshi týry bastalǵanyn jazǵan bolatynbyz.