ASTANA. KAZINFORM – Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonatynyń úshinshi týrynda «Qýanysh» (SQO) pen «Qaraǵandy» kezdesti.
Jeksenbi kúni «Aqtóbeni» utqan alań ıeleri úshinshi orynǵa kóterilgen edi.
Azamat Esimovtiń shákirtteri bul joly ózderin ókshelep kele jatqan «Qaraǵandyny» 3:0 (25:20, 25:21, 25:21) esebimen tize búktirdi.
Osylaısha, 37 upaımen úshinshi orynǵa nyq jaıǵasty. Qaraǵandylyqtar 33 upaımen tórtinshi satyda qaldy.
Kósh basyndaǵy «Berel» (Óskemen) men «Jetisý» (Taldyqorǵan) jetkize qoımas, degenmen «Qýanyshtyń» endi úzdik úshtikten shyqpaýyna múmkindikteri tolyq jetedi.
Seısenbi kúni «Jetisý» — «Astana», «Berel» — «Qaraǵandy», «Ertis» — «Gratsııa KZ», «Turan» — «Aqtóbe», «Qýanysh» — «Almaty» komandalary qaı myqtyny anyqtaıdy.
Eske sala keteıik, budan buryn voleıboldan el chempıonatynda «Berel» men «Jetisý» komandalary alda kele jatqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).