Voleıbol: Qazaqstan qyzdary Olımpıada joldamasyna talasady

NUR-SULTAN. QazAqparat - Voleıboldan Qazaqstan qyzdar komandasy 2020 jylǵy Tokıo Olımpıadasynyń joldamasy úshin qańtar aıynda lıtsenzııalyq týrnırge qatysatyn boldy. Bul joldama Azııa aımaqtyq irikteý týrnırinde sarapqa salynady, dep habarlaıdy QazAqparat tilshisi.

Búgingi kúnderi Ońtústik Koreıanyń Seýl qalasynda voleıboldan qyzdar arasynda Azııa chempıonaty ótkizilýde. Atalmysh dúbirli dodada bizdiń qyzdar aldymen V tobynda synǵa túsip Avstralııany 3:0, Úndistandy 3:1 esebimen jeńip, Japonııaǵa 0:3 esebimen jol berdi. Quramamyz jarystyń kelesi satysynda F tobynda Qytaıdan 0:3 esebimen jeńilip, Indonezııany dál osy eseppen tize búktirdi. 

Qazaqstan qyzdary búgin 5-8 oryndar úshin saıysta Iran quramasyn 3:0 esebimen jeńdi. Endi olar 25 tamyzda 5 oryn úshin Taıvan quramasymen synǵa túsedi. 

Azııa chempıonatynda alǵashqy altylyqqa engen quramalar aldaǵy qańtar aıynda Tokıo Olımpıadasyna beriletin joldama beretin lıtsenzııalyq týrnırge qatysady.

Qazaqstan qyzdary sońǵy ret Jazǵy Olımpıadaǵa 2008 jyly qatysqan edi. Aıta keterligi, lıtsenzııalyq týrnırge qatysatyn  quramalar arasynda Japonııa dúbirli dodany ótkizetin el retinde joldamaǵa ıe bolsa, Qytaı qyzdary qurlyqaralyq irikteý týrnırinde Olımpıada joldamasyna qol jetkizdi.