Voleıbol: «Gratsııa KZ» Pavlodardyń «Ertisinen» basym tústi

<p>PETROPAVL. KAZINFORM &ndash; Petropavl qalasynda voleıboldan áıelderdiń ulttyq lıga komandalary arasynda Qazaqstan chempıonaty úshinshi týrynyń oıyndary jalǵasyp jatyr.</p>

Birinshilikte «Jetisý» (Taldyqorǵan) men «Berel» (Óskemen) komandalary basqa eshkimge des berer emes.

Búgin taldyqorǵandyqtar «Arý-Astana» komandasyn 3:0 (25:14, 25:6, 25:12) esebimen oısyrata utty. Marko Grshıch jattyqtyratyn «Jetisýdyń» esebinde 47 upaı bar. 

Óskemendikter birshama tartysty ótken matchta «Qaraǵandy» klýbyn 3:1 (25:19, 22:25, 30:28, 25:19) esebimen tize búktirdi. Osymen 16 oıynda jeńiske jetken Rıshat Gılıazýtdınovtiń shákirtteri upaı sanyn 45-ke jetkizdi. 

Oraldyń «Gratsııa KZ» komandasy (bas bapkeri Aına Ǵubasheva) keshe bes setke sozylǵan básekede astanalyqtarǵa ese jibergen edi. Búgin oraldyq qyzdar Pavlodardyń «Ertisin» 3:0 (25:19, 25:20, 25:15) esebimen jeńdi. Budan keıin 11 upaı jınaǵan batysqazaqstandyq komanda 9-satyda tur. Pleı-off kezeńine shyǵýǵa múmkindik beretin úzdik segizdikke iligý úshin upaı qoryn tolyqtyra túsý qajet-aq. 

Eske sala keteıik, budan buryn «Qýanyshtyń» óz alańynda «Qaraǵandyny» tize búktirgenin jazǵan bolatynbyz.