ÓSKEMEN. KAZINFORM – Óskemen qalasynda voleıboldan áıelderdiń ulttyq lıga komandalary arasynda XXXIII Qazaqstan chempıonatynyń birinshi týrynyń sońǵy kúni kútpegen nátıje tirkeldi.
Ulttyq lıgaǵa alǵash ret qosylǵan Oraldyń «Gratsııa KZ» komandasy (bas bapkeri Aına Ǵubasheva) buǵan deıin jalǵyz-aq upaımen 9-orynda turǵan edi.
Al úsh matchta jeńiske jetken «Arý-Astana» 6-satyǵa taban tiregen bolatyn. Biraq ózara kezdesýde sátti oınaǵan oraldyqtar astanalyqtardy 3:0 (25:22, 25:17, 25:23) esebimen utyp, bastapqy úsh upaıyna ıe boldy. Sóıtip 8-orynǵa kóterildi.
Birinshi týr barysynda Óskemenniń «Bereline» ǵana 2:3 esebimen utylǵan «Jetisý» klýby «Almatymen» básekede qınalǵan joq – 3:0 (25:15, 25:10, 25:14). Serbııalyq maman Marko Grshıchtiń shákirtteri 19 upaımen kósh basyna shyqty. Biraq olardy búgin «Aqtóbeni» utsa, «Berel» qýyp jetedi.
«Qaraǵandy» komandasy ekinshi ret qatarynan jeńiliske ushyrady. Bul joly olar «Qýanyshqa» (SQO) jol berdi – 0:3 (26:28, 15:25, 14:25). Soltústikqazaqstandyqtar 15 upaımen úzdik úshtikti túıindedi.
Eske sala keteıik, budan buryn «Turandy» jeńgen «Bereldiń» birinshi orynǵa kóterilgenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).