Voleıbol: «Býrevestnık» qatarynan úshinshi jeńisine qol jetkizdi

<p>PAVLODAR. KAZINFORM &mdash; Pavlodar qalasynda voleıboldan erlerdiń ulttyq lıga komandalary arasynda XXXIII Qazaqstan chempıonatynda Almatynyń &laquo;Býrevestnık&raquo; klýby jeńisti jolyn jalǵastyrýda.</p>

Qazaqstandyq maman Igor Nıkolchenkonyń shákirtteri alǵashqy kúni chempıonatta kósh bastap kele jatqan «Jetisý» komandasyn 3:0 esebimen utqan edi.

Keshe Qazaqstan chempıonatynyń kúmis júldegeri «Pavlodardy» 3:2 esebimen qapy qaldyrdy.

Búgin almatylyqtar el chempıony «Tarazben» taǵy bir tartysty kezdesý ótkizdi. «Býrevestnık» tarazdyqtardy 3:2 (25:18, 22:25, 25:16, 22:25, 15:12) esebimen utyp, upaı sanyn 15-ke jetkizdi.

Týrnır kestesinde kósh bastap kele jatqan Oraldyń «Jaıyǵy» «Ushqyn-Kókshetaýdy» 3:0 (25:12, 25:16, 25:17) esebimen ońaı jeńdi. Oraldyqtardyń qorjynynda qazirgi kezde 22 upaı bar.
«Jaıyqty» taldyqorǵandyqtar (21 upaı) ókshelep keledi. «Jetisý» soltústikqazaqstandyq «Esilden» aılasyn asyrdy — 3:1 (23:25, 25:19, 25:14, 25:21).

Eske sala keteıik, budan buryn voleıboldan Qazaqstan chempıonatynda «Býrevestnıktiń» pavlodarlyq komandany utqanyn jazǵan bolatynbyz.