TALDYQORǴAN. KAZINFORM – Taldyqorǵan qalasynda voleıboldan erlerdiń ulttyq lıga komandalary arasynda ótip jatqan Qazaqstan chempıonatynyń úshinshi týrynda «Atyraý» men «Taraz» kezdesti.
Osynyń aldynda ıÝrıı Bashkatov jattyqtyratyn tarazdyqtar bıyl jaqsy qarqyn alǵan «Býrevestnıkti» 3:1 esebimen utqan edi. Sóıtip «Taraz» toǵyz jeńilis serııasyn úzgendeı bolǵan.
Bul joly atyraýlyqtar kambek jasap, el chempıonyn tizerletti – 3:1 (21:25, 25:15, 25:21, 25:23).
Osylaısha, 25 upaı jınaǵan Islam Jumabekovtiń shákirtteri týrnır kestesinde 6-orynǵa kóterildi.
«Taraz» 20 upaımen 7-satyda qaldy.
Eske sala keteıik, budan buryn «Tarazdyń» Almatynyń «Býrevestnıgin» qapy qaldyrǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).